«Մուլտիմոտորս» ընկերությունը նոր ավտոսրահ է բացել:

Մարտի 4-ին «Մուլտիմոթորս» ընկերությունը հանդիսավոր բացեց իր նոր ավտոսրահը, որտեղ ներկայացված կլինեն KING LONG ավտոբուսները, E-FUN էլեկտրական սքութերները և հանրահայտ չինական FAW կոնցերնի արտադրանքը՝ հիմնականում ժամանակակից էլեկտրամոբիլների տեսքով:
Միջոցառմանը ներկա էին «ՄՈՒԼՏԻ ԳՐՈՒՊ» կոնցերնի հիմնադիր՝ Գագիկ Ծառուկյանը և Հայաստանում ՉԺՀ արտակարգ և լիազոր դեսպան՝ Թիան Էրլունը:
Կարմիր ժապավենը հանդիսավոր կտրելուց հետո՝ հավաքվածները հնարավորություն ստացան ծանոթանալ սրահում ներկայացված տրանսպորտային միջոցների տեսականուն: Առավել հետաքրքրական էր ավտոբուսների տեսականին, որը ներառում էր նաև բնական գազով և էլեկտրականությամբ աշխատող մոդելներ: Ինչպես նշում են ընկերությունում, սա լավ հնարավորություն է՝ զգալիորեն բարելավել քաղաքային տրանսպորտի ներկայիս վիճակը՝ ապահովելով ժամանակակից և անվտանգ փոխադրամիջոցներ:
Միջոցառման հյուրերը ծանոթացան նաև մարդատար էլեկտրական մոդելներին, որոնք աչքի են ընկնում խնայողությամբ և ընթացքի մեծ պաշարով: Առավել առանձանանում էր Չինաստանի կառավարությանը մատակարարող Hongji ընկերության E-53 էլեկտրամոբիլը, որը մեկ լիցքավորումով ունակ է հաղթահարել 400 կիլոմետրից ավելին տարածություն: Այստեղ էր նաև կոմպակտ քաղաքային էլեկտրական FAW B30 EV-400 սեդանը, որը աչքի է ընկնում մատչելիությամբ և պրակտիկությամբ:
Նորաբաց սրահում գործելու են զանազան ակցիաներ և հատուկ առաջարկներ, որոնք էլ ավելի կմոտեցնեն ներկայացված տեսականին վերջնական սպառողին: